Monday, December 15, 2008

"ارحل وعارك فى يديك" فاروق جويدة


ارحل وعارك فى يديك
ما عاد يجدى أن يفيق ضميرك المهزوم
فيداك غارقتان فى أنهار دم
شبح الشظايا والمدى قتلى
ووجه الكون أطلال.. وطفل جائع
من ألف عام لم ينم
حيث النخيل على الضفاف
وقد تبدل حالها
واستسلمت للموت حزنا,, والعدم
شطآن غزة كيف شردها الغراب
ومات فى أحشائها أحلى النغم
وطن عريق كان أرضا للبطولة..
صار مأوى للرمم!
الآن يروى الهاربون من الجحيم
حكاية الذئب الذى أكل الغنم:
كان القطيع ينام سكرانا
من النفط المعتق
والهدايا.. والعطايا.. والنعم
منذ الأزل
كانوا يسمون العرب
عبدوا العجول.. وتوجوا الأصنام..
واسترخت قوافلهم .. وناموا كالقطيع
وكل قافلة يزينها صنم
يقضون نصف الليل فى وكر البغايا..
يشربون الوهم فى سفح الهرم
الذئب طاف على الشواطىء
أسكرته روائح الزمن اللقيط
لأمة عرجاء قالوا إنها كانت ـ ورب الناس ـ
من خير الأمم
يحكون كيف تفزعن الذئب القبيح
فغاص فى دم الفرات..
وهام فى نفط الخليج..
وعاث فيهم وانتقم
سجن الصغار مع الكبار..
وطارد الأحياء والموتى
وأفتى الناس زورا فى الحرم
قد أفسد الذئب اللئيم
طبائع الأيام فينا.. والذمم
الأمة الخرساء تركع دائما
للغاصبين.. لكل أفاق حكم
لم يبق شىء للقطيع
سوى الضلالة .. والكآبة.. والسأم
أطفال غزة يرسمون على
ثراها ألف وجه للرحيل..
وألف وجه للألم
الموت حاصرهم فناموا فى القبور
وعانقوا أشلاءهم
لكن صوت الحق فيهم لم ينم
يحكون عن ذئب حقير
أطلق الفئران ليلا فى المدينة
ثم أسكره الدمار
مضى سعيدا.. وابتسم..
فى صمتها تنعى المدينة
أمة غرقت مع الطوفان
واسترخت سنينا فى العدم
يحكون عن زمن النطاعة
عن خيول خانها الفرسان
عن وطن تآكل وانهزم
والراكعون على الكراسى
يضحكون مع النهاية..
لا ضمير.. ولا حياء.. ولا ندم
الذئب يجلس خلف قلعته المهيبة
يجمع الحراس فيها.. والخدم
ويطل من عينيه ضوء شاحب
ويرى الفضاء مشانقا
سوداء تصفع كل جلاد ظلم
والأمة الخرساء
تروى قصة الذئب الذى
خدع القطيع..
ومارس الفحشاء.. واغتصب الغنم

من قصيدة " ارحل وعارك فى يديك" للشاعر فاروق جويدة

لا تعليق

Friday, December 12, 2008

لا أجدنى


تغير شكل الحياة ، استيقظت يوما لأجد نفسى قد أتممت عامها الثانى والعشرين، فجأة أدركت أنى لم أعد أنا، لم تتغير ملامحى ولكنى تغيرت كثيرا، أشياء عديدة لم تعد كما كانت على الأقل بالنسبة لى، لم أعد أشعر بأية حماس تجاه عملى أو حياتى بشكل عام، صرت أستيقظ لأقضى ساعات النهار فى عملى ثم أعود للمنزل لأقضى باقى اليوم فى أى شىء مفيد كان أو غير مفيد لأحصل على عشرات الجنيهات أول الشهرالقادم، فتور عام تجاه كل شىء، عمل بلا أى متعة، أذهب إلى العمل وأنا أفكر متى سأغادر رغم أنى لا أكره ما أعمل، روتييييييين قااااتل

الحلم يتلاشى، يتحد بالاشىء، يختفى رويدا رويدا
العمر يمر بلا أى متعة، يهبط تدريجيا
الأصدقاء ينسحبون.. لا لقاءات.. لا أحاديث إلا نادرا أو مصادفة عبر شاشة الماسنجر والقليل جدااااا منها عبر الهاتف
مشاعر وأفكار سلبية تراودنى، تقذف بى إلى متاهات أجهل الخروج منها

Sunday, October 12, 2008


لقد حل موسم الجفاف

Tuesday, May 13, 2008

مش عاشق ظلمة ولا زعلت الضي

إن مقدرتش تضحك
..
متدمعش ولا تبكيش
..
وإن مفضلش معاك غير قلبك
..
أوعي تخاف.. مش هتموت هتعيش
..
وإن سألوك الناس عن ضي.. جوا عيونك مبيلمعش
..
متخبيش
..
قولهم العيب مش فيا.. ده العيب في الضي
..
وأنا مش عاشق ضلمة ..ولا زعَلت الضي
..
ومسير الضي لوحده ..هيلمع
..
ومسير الضحك لوحده ..هيطلع
..
دا الضحك لوحدة .. مبيجرحش ولا يأذيش
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الأغنية ده مش فاكرة أنا سمعتها فين ولا بتاعة مين بس بحبها أوى
أصلى عمرى ما زعلت الضي، ونفسى أعرف مين اللى مزعلة

Sunday, January 20, 2008

غزة تستغيث.. افتحوا المعابر



الحصار يشدد

الدواء نفذ

المرضى على أبواب الموت

الجرحى لا يجدون علاجا

البضائع محجوزة

والمزارع دٌمرت

المصانع والورش أٌغلقت

العمال أصبحوا عاطلين

والطلاب محجوزين

وماذا بعد؟؟؟

هل ننتظر إلى أن تتحول غزة مقبرة للشهداء؟؟؟


http://savegaza.blogspot.com/



للاستفسار عن كيفية المساهمة والتبرع للحملة لأجـلك ياغزة يرجى التواصل مع رابطة شباب فلسطين الخيرية
pals-2007@hotmail.com
pale2070@yahoo.com
الموقع الالكتروني
http://pale-2007.maktoobblog.com/
http://pals-2007.maktoobblog.com/
ويمنكم الاتصال مباشرة بالرابطة على الرقم 972599805291

Tuesday, January 15, 2008

شيكووو وسلموووز


وأخيررررررررا كان اللقاء

بعد مرور أكثر من سبعة شهور

نتحدث من خلالها عبر هذه النافذة

سلموووز: ما تجيلى النهاردة

شيكووو: عمرك أطول من عمرى، كنت لسة هقولك

سلمووز: بجد، قشطة

شيكووو: بتخلصى الساعة كام

سلمووز: أنا بخلص الساعة 5

شيكووو: أوكيه

سلمووز: بس تعالى قبل 5 يعنى أنا موجودة

شيكووو: طيب هنروح فين

سلموووز: أنا معايا العربية ممكن نروح ماك

شيكووو: يا جامد

شيكووو: خلاص لما أجى نبقى نشوف هنعمل ايه

شيكووو: بس بلاش ماك ده

شيكووو: طيب هدخل أول يمين بعد أبو ذكرى

شيكووو: وبعدين

سلموووز: أول شمال فى أول يمين

شيكووو: طبعا أول ما أوصل أنا أقول بس سلمى وألف مين يدلنى

سلموووز: ألف أيه يا بنتى ده عدد قليل أوى بالنسبة اللى يعرفونى وهيرحبوا بيكى

سلموووز: أنتى لسة عندك

شيكووو: ثوانى وأكون عندك

شيكووو: طياااااااارة

ــــــــــــــــــــــــــــــــــــــ

الساعة 5:10 وصلت أدور على واحد واحد بس أسأله فين سلمى.. سلموزتى.. إنى ألاقى حد.. ما فيش.. خالص.. فيييييييين بعد ما فضلت واقفة أبص يمين وشمال على حد اسأله.. لاقيت بتاع البوفيه

شيكووو: السلام عليكم

بتاع البوفيه: وعليكم السلام

شيكووو: سلمى عادل مكتبها فين

بتاع البوفيه: ايه.. مين.. مش عارف.. طب أتفضلى حضرتك أنتظرى هنا

شيكووو: أوكيه.. فى سرى طبعا (ألف.. ألف)..

شوية وجه أستاذ رمضان ده اللى قاعد فى الاستقبال

شيكووو: كنت عاوزة سلمى عادل هى فى القسم الانجليش

أستاذ رمضان: سلمى ايه!!

شيكووو: بصوت أعلى .. سلمى عادل

أستاذ رمضان: مش عارف.. طب ثوانى كده.. اتفضلى حضرتك استريحى

شيكووو: أوكيه

بعد اتصالات تليفونية

أستاذ رمضان: أنتى كلمتيها

شيكووو: لا

أستاذ رمضان: طيب هى جيالك.. أتفضلى أستريحى

شيكووو: أوكيه ـ أصل أنا كل ما حد يجى يكلمنى أقوم أقف.. مؤدبة أوى ـ

وأنا قاعدة مستنية سلموووز جت إيمان عبد المنعم سلمت عليه وقعدت معايا شوية، بعدين الموبايل رن

شيكووو: أنتى فين

سلموووز: أنتى عند أستاذ رمضان

شيكووو: أيوة

سلموووز: طيب أنا فى المبنى اللى قصاده على طول، أنزلى كده هتلاقى سلالم لوحدها أطلعى هتلاقينى

شيكووو: أوكيه

إيمان: طيب روحى بقى شوفى صاحبتك.. مع السلامة

ـــــــــــــــــــــــ

نزلت وطلعت أدور على حد أسأله فين مكتب سلموووز.. ما فيش.. الدنيا هو ولا كأنى فى الصحراء، فين لاقيت بنوتة واقفة جريت عليها

شيكووو: ألاقى سلمى عادل فين؟؟

البنوتة: سلمى إيه!!

شيكووو: بصوت أعلى.. سلمى عااادل

البنوتة: مش عارفة.. بصى أدخلى الكوردون اللى جى ده ممكن تلاقيها.. مش متأكدة

شيكووو: أوكيه.. شكرا

ـــــــــــــــــــــــــــ

دخلت الكوردون اللى آخرة أوضة مستطيلة صغنونة على قد سلموووزـ تفصيل يعنىـ خبطت على الباب اللى كان مفتوح ـ مؤدبة مؤدبة ـ

شيكووووووووووووووووووووو

سلمووووووووووووووووووووز

وأخيرررررررررررررررررا وجدتها

تعانقنا بقوة ـ أكثر من 7 شهور ما شفناش بعض ـ

شيكوووو

سلووووم

ما أستحملتش الموقف وعيطت لدرجة إن زميلتها اللى كانت موجودة فى المكتب كانت عاوزة كاميرا علشان تصورنا

سلموووز: وحشتينى

شيكوووز: وأنتى كمان.. يااااااه .. كثير أوى

وقعدنا رغينا شوية متقطعين علشان سلموووز كانت بتشتغل..بعدين خذنا بعضنا ونزلنا على الساعة 8.. وركبنا العربية.. وأتفرج يا سلام على سلمز يا سلام.. أستااااااذة فى السواقة.. تقولوش مولودة فى العربية

طبعا سلمز كانت مقربة الكرسى أوى من الدريكسيون علشان تطول البنزين والفرامل، وده طبيعى يعنى .. ولفينا بالعربية لف مش اتفسحنا ولا حاجة لاسلموز أصلها لفيت حولين مقر الشغل قبل ما تطلع على الشارع الرئيسى ـ كانت قاصداها علشان تفرجنى على المنطقة ـ بس عسسسسسسسسسسسسل يا سلمز

ولا بقى لما عربيتن زنقوا عليها.. طبعا هما ندموا أشد الندم لأن سلمز أتعصبت عليهم ـ ماهما اللى غلطانين ـ بس بجد بجد بجد عسل وسواقتك عسل والعربية كمان عسل.. صحيح مش اول مرة أركبها.. بس أول مرة أركبها وسلمز هى اللى بتسوق

أنا فرحااااااااانة أوى إنى شفتك النهاردة.. بجد إنتى كنتى وحشااااانى أوى.. أخيرررا شفتك يا سلموز.. رفيقة الملاعب ومرغمة الساقية ـ مرغمة مش مغرمة ـ لأنها كانت بتيجى معايا بالعافية علشان كنا بنغطى أخبار الساقية ولسة فاكرهالى لحد دلوقتى إنى كنت بنزلها بالعافية هى وديرووو.. بس بذمتك مش جبتى إمتياز فى المادة ده ولا لا.. عقبال ما نشوف الباقين


ملحوظة: الصورة اللى فوق ده سلموووز كانت ناشراها عندها لما جاوبت على التاج اللى بعتهولها.. وأنا نشرتها هنا علشان أنا وهى متصورين نفس الصورة على شجرة برده ـ أيام الشقاوة بقى ـ فاكراها طبعا