نجحنا وبتفوق

هييييييييييييه

كنت ناوية انزل بوست تانى بس النتيجة الحمد لله ظهرت كلها وقلت أبارك لنفسى ولأصحابى، والحمد لله نجحنا بتقدير جيد جداً مع مرتبة الشرف، الواحد صحيح كان نفسه يجيب إمتياز بس جيد جداً حلو برده، النهاردة ظهرت مادة دكتورة عواطف ـ أصعب مادة ـ أصل النتيجة عندنا بتظهر بالقطاعى علشان بيخافوا يصدمونا مرة واحدة، بس الحمد لله جت سليمة المرة دى، أصحابى كلهم برده جيد جدا وإمتياز الحمد لله، ماشاء الله علينا، ألف مبروك يا شباب

صحيح يا لولو لما كنت فى إسكندرية قلتيلى أنك مستنية مادة دكتورة عواطف تطلع علشان تطمنى على النتيجة ، أهى النتيجة كلها طلعت ومستنينك فى القاهرة ، ما تتأخريش علينا ، خذى أول قطر وتعالى بسررررعة،