الناس وحشتنى جدا
بقالى كتير منقطعة عن التدوين وعن حاجات تانية كتير أوى ما بقتش أعدها بصراحة لأنى بزعل أوى من نفسى لأنها بعدت عن كل حاجة بتحبها ومعذبة ومضايقة نفسها
المهم
الناس فعلا والمدونة والتدوين وحشونى جدا رغم إنى ما كنتش بدون كتير
ورغم إنى فكرت فى الفترة اللى فاتت ده إنى ما أدونش تانى أو أعمل مدونة جديدة خالص ما حدش يعرف إنها بتاعتى وأدون فيها ، وكالعادة بفكر بس من غير تنفيذ
بس فجأة حسيت إتى مشتاقة جدا لمدونتى الغلبانة ده وحسيت إنى عاوزة أدون
كلامى متلخبط ومش مترتب
أنا مش عاوزة أكتب عن موضوع معين ولا حاجة
عاوزة أرغى وخلاص
عاوزة أفضفض شوية
بقالى كتيييييييير ما فضفضش
بقالى كتيييييييييييييييييييير ما شوفتش أصحابى
وبجد مشتقالهم جداااااااااااااااااااااااااااااااااااا
أحداث كتير مرت بيه خلال الفترة اللى فاتت
أحداث برده مش مترتبه زى كلامى بالظبط
بس أثرت فيه
حاسة إنى دخلت دنيا جديدة ولازم أعيش فيها
ما فيش قدامى خيار تانى
صحيح حاسة بملل رهيب رغم إنى بشتغل دلوقتى
بس برده ما فيش يوم بيعدى عليه من غير ما أحس فيه بزهق وملل
لدرجة إنى بتمنى إنى أرجع كل يوم البيت وأنا خلصانة على الآخر علشان ما أفكرش فى أى حاجة ممكن تضايقنى
_____________________________________________
يوم 5/11 يوم محاكمة إسلام نبيه.. عارفينه
اليوم اللى اتحكم فيع على إسلام نبيه وأمين الشرطة فى قضية تعذيب عماد الكبير كان يوم عيد ميلادى
عادة ما بهتمش إن حد يقولى كل سنة وأنت طيبة أو يفتكر أو ما يفتكرش
بس رغم إنى ما زعلتش من الناس اللى ما أفتكرتش اليوم ده لكن فرحت جدا بالناس القليلة أوى اللى كلمونى وبعتولى رسايل
يمكن علشان ما كنتش متوقعة إن حد هيفتكرنى
كل سنة كنت بعد الأيام امتى بقى أكبر
كل سنة كنت بفرح أوى باليوم ده لأنى كبرت سنة
لكن السنة دى حسيت إنى مش عاوزة السنة تعدى
طيب الأول كان نفسى أكبر وأدخل الجامعة
دلوقتى الحياة بعد الجامعة مش ممتعة خالص
صحيح كل مرحلة وليها جمالها
بس أنا لسة مش قادرة أحس بجمال المرحلة ده
مش شايفة فيها أى جمال بصراحة
احتمال يكون نظرى ضعيف
مش عارفة
عارفة إن الناس دلوقتى اتخنقت منى ده على أساس يعنى إن لسة فى حد بيدخل مدونتى
بس ما حدش يأخذ فى باله
عادى يا جماعة
واحدة زهقانة شوية
مش مهم
المهم
إنكم وحشتونى
وزعلانة من الناس اللى عارفين نفسهم
والأسبوع الجاى آخر معاد على فكرة
اللهم بلغت اللهم فأشهد
6 comments:
طبعا انا مش منهم (نياهاعهاع)
يااااااااااااااااه يا شيمو فينك يا بنتىىىى وحشتنى لماضتك اوى اوى اوىىىى و لسانك اللى بينقط.... ولا بلاش :)))
عارفةكلنا نفسنا نقعد مع بعض زى زمان، بس يمكن انتى اللى كتبتى ده فعلا، يمكن المرحلة دى تكون مش حلوة أد ماهى مرحلة تكوين أو استعداد لمواجهة الحياة...
شوفتى بقيت أقول كلام كبير ، ما علينا لو العيال انتخو تانى نكلم اللى ممكن يجى و ننزل مع بعض احنا....
و بجد وحشتينىىى يا شيمووووووووووووو
ولا يهمك فضفضي براحتك
مفيش دوشة ولا حاجة
دي مدونتك مكك انتي
واضح انك لسة متأقلمتيش على نظام شغلك أو إنه مكانش شبه ميولك واللي كان نفسك تشتغليه
مش مهم معلش حاولي تدوري على اي حاجة ف يومك تخليكي حاسة بالتجديد واعملي الحاجة دي
دوري ولازم هتلاقي
عاهدي نفسك على انجاز شيء معين وحاولي انك تنفذي العهد
وليكن مثلا ورد محدد من القرآن
صدقيني هيفرق معاكي كتير
:)
تقبلي تحيتي وربنا يصلح لك الأحوال وييسر لك كل عسير
حمداً لله علي السلامة
ومبروك للشغل
وكل سنة وأنتي طيبة
عودأحمد :))
ناس كتير كانوا بعيد عن مدوناتهم ورجعوا كلهم في وقت واحد .. والحنين للمكان والكتابة كان ليه دور كبير
حمد لله على السلامة يا شيماء وحاولي تواصلي زي الاول :)
ازيك يا شوشو...وحشتيني جدا جدا..ووحشتني مدونتك اوي..انتي كمان كنت منقطعة طيب انا مسافرة انتي ليه بقى...زهقانة ليه..كل سنة و انت طيبة و اهو حصلت حاجة حلوة في عيد ميلادك...اوعي تعدي ايامك من غير ما تدوري فيها على حاجة او تعملي فيها اي حاجة تحسسك ان اليوم ده غير اللي قبليه و انه يستحق يتحسب في حياتك
طمنيني عنك يا قمر
shooooooooooooooooooo
akhiraaaaaaaan
sorry 3ala alta2khir ya shosho sam7ini bs enty 3arfa al zrof
:)
3awda 7amida lltdween kona moftakdenk aweeeeeeeee
a3tkd ana mosh fel blacklist bta3t your birth day wala ah?:)
any way ana kman 3awza a2ol:
wa7shtoniiiiiiiiiiiiiiiiiiiiiiiiiii
klamk ms 2alby
bye ya sho
Post a Comment