طول عمرى بقول إن شهر نوفمبر ده من أجمل شهور السنة
مش علشان أنا أتولدت فيه
صحيح ده سبب من الأسباب
لكن نوفمبر 2007
حصل فيه حدثين مهمين جدا
الأول وده كان يوم عيد ميلادى
وده بالتأكيد أهم حدث فى التاريخ مش نوفمبر 86 بس
2007/لكن حصل حدث تانى فى يوم 5/11
وهو الحكم على إسلام نبيه وأمين الشرطة المتهمين فى قضية تعذيب عماد الكبير بالسجن 3 سنوات مع الشغل وغرامة 4 الاف جنية
أمبارح بقى صدر حكم من محكمة جنايات المنصورة على الضابط محمد محمود معوض هووثلاثة امناء
أحمد عبد العظيم وياسر مكاوي وشريف سعد شريف
اللى قتلوا المواطن نصر عبدالله
وسحلوه قدام اهله لحد ما مات
أحمد عبد العظيم وياسر مكاوي وشريف سعد شريف
اللى قتلوا المواطن نصر عبدالله
وسحلوه قدام اهله لحد ما مات
بالسجن سبع سنين مع الشغل
والفصل من الوظيفة
أول مرة يصدر حكم ضد ظابط شرطة فى قضية تعذيب
صدر ضد إسلام نبيه
وبعده على طول
صدر الحكم على محمد محمود عوض
ده بداية مبشرة
لسة فى أمل
إن احنا نكون بنى أدمين
مبروك لأهل نصر
ومبروك لينا كلنا
أنا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و أعجب من اللي يطيق يعذب أخوه
وعجبي !!!
3 comments:
فعلا حاجة مبشرة وفي أمل بفضل الله ف التغير وربنا يسهل
وكويس كمان ان بقى فيه حاجات تميز شهر نوفمبر ويبقى من الشهور اللي نفتكرها بالخير
اصل بيني وبينك انا بردو من مواليد شهر نوفمبر بس للأسف انا شايف ان تاريخ الشهر ده على مدار الزمان غير سعيد بالمرة
ههههههههه
وربنا يصلح الأحوال
مش مهم كام حكم ضد كام ظالم قد ما مهم الظلم ده خلق كام واحد شريف وده الي فرحني فعلا لو كان الظلم يخلق شرفاء ثائرين فأهلا به وبكل ظالم حتي يقضي الله امر كان مفعولا
:))
طبعا يا شو شهر نوفمبر ده بركه منسنة 1986 السنه اللى انتى اتولدتى فيها
ده شىء معروف جدا..
فعلا أخبار ما بعتبرهاش مفرحه لأنها ما رجعتش اللى راح بس على الاقل مريحه انه لسه فى أمل زى ما قلتى نعيش زى البنى ادمين
(عشان خاطرك بس يا شوشو خرجت من حالة الخرس:)
Post a Comment